facebook_100714 Síguenos na nosa canle de Facebook

A  Asociación Cultural do Cigarrón de Verín naceu no ano 1997, tendo coma primeiro presidente a D. Alberto Prieto Prieto. No ano 2007 e despois de dez anos de un impecable e intachable traballo constituiuse unha nova xunta directiva.

foto-chocasDirectiva actual da Asociación o Cigarrón:

  • Juan Carlos Castro Salgado, Presidente. E-mail: asociacioncigarron@hotmail.com
  • José M. Álvarez Manso, Vicepresidente.
  • Carlos Cabido Sabariz, Secretario.
  • Modesto Meno Nieto , Tesoreiro.
  • Vocais: D. Benito Álvarez Colmenero, D. José Rodríguez Cruz, Dna. Estefanía Bahamonde López, D. Oscar M. Álvarez González, D. Francisco Javier Castro Salgado, D. Antonio Baladrón Carballo.

Os fins da nosa asociación son os seguintes:
– Investigación, conservación, promoción, protección, fomento e desenrolo da figura do Cigarrón.
– Participar e promover todo tipo de actividades, charlas, conferencias, etc…
– Redactar e aprobar o patrón das características básicas que debe cumprir a figura do Cigarrón, e falicitar información a todas as persoas que desexen coñecelas.
– Participar, colaborar e promoción de todas aquelas tradicións locais, sobre todo as máis vencelladas ao Entroido, así coma a colaboración das nosas festas.
– Colaborar o museo do Entroido Galego.
– Participación en todo tipo de actos culturais.

20121102_091747 Compostela X 26012010

 

Obxetivos:

Obradoiro-do-cigarron

A sete de abril do 2009 a Secretaría de Estado de Turismo, concedeu ao Entroido de Verín o título de Festa de Interese Turístico Nacional, grazas ás máis de vinte actuacións levadas a cabo en dous anos, entre outros lugares coma: Madrid, Pamplona, Alicante, Pontevedra, A Coruña, Lisboa.
A nosa intención é chegar a ser declarados Festa de Intese Turístico Internacional, para o que precisamos ter realizadas accións promocionais en cinco países. Ata agora xa levamos tres así que cada día quédanos menos.

Actividades:
– A maiores de toda a promoción do Cigarrón en distintos lugares (Máscara Ibérica, Feiras turísticas, etc…) colaboramos activamente no obradoiro do Cigarrón que ven realizando anualmente o Concello de Verín.
– Charlas e conferencias.

“CARTA DA DIRECTIVA”

foto-desfile-cigarronsDamos a benvida a tódolos visitantes do Entroido de Verín, co recoñecido prestixio pola súa antiguedade e pola vistosidade dos nosos Cigarróns. Esta nosa “Asociación Cultural O Cigarrón” de Verín naceu no ano 1997 fruto do fin común de realzar a figura do noso cigarrón e promocionar o valor do noso Entroido.
Dende a Xunta Directiva queremos agradecer a todos os que participan no Entroido como cigarróns, comparsas, chirigotas, charangas, mascaras e capuchóns os días de troula e festa popular en cada edición. A figura do cigarrón ten varios cometidos que moitos visitantes, nacionais e estranxeiros, precisan de coñecer. Ademais de por orden nos desfiles de carrozas do domingo e do martes de Entroido, encabezando os mesmos para retornar unha vez se chega a praza Maior, tamén se escolta a Raína do Entroido e Don Carnal durante o percorrido do Xoves de Comadres, dende a Casa do Escudo ata a praza Maior.
Estamos a elaborar os novos calendarios para futuros desfiles e saídas polas rúas da vila, nas datas previas o Entroido, comezando pola saída no día de San Antón, festa local de Verín o 17 de Xaneiro, o nos catro fins de semana anteriores a domingo de Entroido, desfilando en grupos reducidos e ordenados polas rúas, o carón dos pequenos e coa admiración dos grandes que reconforta  a figura emblemática do Cigarrón. Faise unha costume moi antiga de desenrolar pequenos percorridos con parada polos bares da vila para tomar un refrixerio.
No domingo de Corredoiro, anterior o domingo de Entroido, celébrase o día grande dos cigarróns facendo un desfile exclusivo con saída dende a praza do Concello as 12h, guiados polos mais veteranos do grupo, e descorre pola avenida de Portugal, calle Luís Espada ata o cruceiro de San Lázaro, e regreso pola rúa Maior para facer unha parada na Igrexa Parroquial e anunciar na saída da misa os asistentes a chegada do Entroido. De igual forma faremos as 13h na igrexa da Merced, para rematar os desfiles polas rúas da vila na praza García Barbón, e un homenaxe a estatua do Cigarrón na rúa Viriato.
No sábado do Entroido pola tarde facemos o bautismo do Cigarrón, con un acto público na praza García Barbón ou na praza da Merced, según dispoñibilidade, vestindo a noveles cigarróns que se inician neste modelo de sentir e vivir o noso Entroido, facendo unha breve e detallada explicación da vestimenta, o seu significado e o seu sentimento popular.
A figura do Cigarrón hoxe en día ten como fin dar vistosidade e recrear costumes culturais moi antigas, e como tal deben ser respetados polo público que asiste as nosas festas, facilitándolles o paso polas rúas e deleitándonos co son dos chocallos que nos alertan da súa chegada.
A todos aqueles que veñan a coñecer o noso Entroido, serán ben recibidos por a nosa Asociación Cultural O Cigarrón e os seus achegados. Unha aperta e ata pronto.